أعرف عنوانه وروح خبط على باب بيته ,, كلمه قله أنا ممكن أساعدك أنا أعرف انك محتاج مساعدة !
تعرف رد فعله هيكون ايه ,, بكل تلقائية هيقلك اطلع بره يا إما هطلب الشرطة !
ليه هيعمل كده رغم انه بيقدم له مساعده ,, عارف ليه ..
عشان احنا وصلنا لمرحلة ان مش طبيعى ان حد يساعد حد ,, بنستغرب لما واحد يضحك فى وشك كنوع من (( الصدقة )) ,, وبنقول على اللى بيساعد حد (( أهبل )) ,, والطيب بقى غبى!
" انت طيب أوى " دلوقتى بقت شتيمة ,, مع الأسف !
وصلنا لمرحلة اننا نستغرب من ان فيه حد لسه واخد الدنيا بالفطرة اللى ربنا خلقه بيها ,, مرحلة ان اللى بيرجع فلوس لقاها فى الشارع ده أحمق !
واللى بيقول أنا اسف ضعيف ,, وصلنا لمرحلة اللى يعمل خير أكيد نصاب أو هيرشح نفسه فى الانتخابات ..!
وصلنا لمرحلة انك تقول لابنك اللى يعملك حاجة ,, ردها الضعف !!
وصلنا لمرحلة ان العفو بقى عند الأغبياء مش عند المقدرة !
ربنا يهدينا ..
